Вкупното количество зафатенa вода од индустриските претпријатија во 2022 година изнесуваше 4.303 милиони кубни метри, со најголемо учество на секторот снабдување со електрична енергија, гас, пареа и климатизација (98,7%), покажуваат податоците на Државниот завод за статистика.
Според потеклото на водата за снабдување на претпријатијата, најголемото количество вода е од површински води, односно 49,9%.
Вкупното количество користена вода во 2022 година изнесуваше 2.177 милиони кубни метри. Споредено со 2021 година, вкупното количество користена вода во 2022 година бележи зголемување од 36,8%.
Од вкупно испуштените води, во 2022 година се прочистени 15,5%.
Според податоците на ДЗС, 77,76 отсто од отпадните води од индустријата лани биле испуштени во водотеци, 21,95 отсто на преостанати места, а 0,29 отсто во јавна канализација.
Фото: ДЗС