За време на новогодишните и божиќните празници, кај луѓето низ целиот свет е засилена желбата за давање подароци. Иако сезоната на годишни одмори може да нè зближи со нашите најблиски, тоа е исто така период од годината што луѓето најверојатно ќе го искористат за да им дадат подароци и на непознати луѓе.

Со годините, кај луѓето се појавува сè поголема желба да донираат и да учествуваат во хуманитарни акции. Но, истражувањето на „Вокс“ објави дека 20 милиони помалку домаќинства во Америка донирале во добротворни цели во 2016 година, во споредба со 2000 година. Експертите наведуваат неколку причини за ова намалување, вклучувајќи го опаѓањето на учеството во организираната религија, зголемениот гнев поради неуспехот да се реши нееднаквоста и недостигот на расположлив приход меѓу генерацијата З и милениумците.

Меѓутоа, една демографска група продолжува да им донира на непрофитните организации, а тоа се ултрабогатите. Ова е особено случај затоа што богатите лица добиваат непропорционални бенефиции од добротворниот систем за даночно одбивање. Сепак, експертите предупредуваат дека потпирањето на донации од еден отсто може да биде меч со две острици.

„Хроникл оф филантропи“ неодамна ја објави листата со најфилантропи. Погледнете кој донирал најмногу.

5. Џон и Лора Арнолд

Џон Арнолд е милијардер и поранешен извршен директор на „Енрон“. Неговата сопруга Лаура е основач на организацијата за застапување на кривичната правда.

Колку донираа во 2023 година? 483.600.000 долари.

4. Ворен Бафет

Ворен Бафет е претседател и извршен директор на „Брекшир Хатавеј“. Тој е еден од најбогатите луѓе во светот.

Колку донира во 2023 година? 893.305.350 долари.

3. Мајкл и Сузан Дел

Мајкл Дел е основач, претседател и извршен директор на „Дел технолоџис“. Неговата сопруга е коосновач и претседавач на нивната добротворна организација, „Фондацијата Мајкл и Сузан Дел“.

Колку донираа во 2023 година? 975.903.850 долари.

2. Пени и Фил Најт

Фил Најт е коосновач на „Најки“. Неговата сопруга Пени е филантроп.

Колку донираа во 2023 година? 1.242.253.250 долари.

1. Мајкл Блумберг

Мајкл Блумберг е основач на „Блумберг Ел-пи“ и поранешен градоначалник на Њујорк.

Колку донира во 2023 година? 3.000.000.000 долари.

Извор: qz.com
Фото: Screenshot/YouTube