Меѓународни истражувачи водени од Џонатан Џианг од американската вселенска агенција НАСА се на мисија да најдат начин за комуницирање со вонземјани. Сè уште не сме откриле знаци за вонземен живот, но научниците во НАСА работат на пораката што би ја испратиле до вонземјаните доколку некогаш ги пронајдеме.

Најновата порака на која работеле научниците вклучува вовед во математика, хемија и биологија како што ја разбираат луѓето. Документот е инспириран од порака која била испратена преку радиосигнал во 1974 година. Научниците го одредиле и најдоброто време од годината за испраќање на нивната порака и потенцијалните цели до кои таа би била испратена.


Во пораката е вклучена и „адресата“ на нашата планета во случај таа да стигне до далечна цивилизација.

Како вонземјаните ќе ја разберат нашата порака?

Пораката не е напишана на јазик, туку е претставена како бит-мапа, што користи бинарен код за создавање слика со пиксели. Пораката од 1974 година била создадена на ист начин. Научниците претпоставуваат дека вонземјаните би имале сетило за вид бидејќи на Земјата тоа независно еволуирало повеќепати.

Во пораката има и цртеж од маж и жена, како и мапа од површината на Земјата.

Засега не се знае кога оваа порака ќе биде испратена во вселената.

Извор: Interesting engineering
Насловна фотографија: Pixabay