Сообраќајниот знак „Стоп“ има универзално значење во целиот свет. Но, не и во оној на „тесла“.

Според законот, пред знакот „Стоп“ треба целосно да се запре возилото, но челниците на „тесла“ не мислат така. Американскиот производител на клиентите им нуди систем „Full Self-Driving“, кој им овозможува да поминуваат покрај знакот за запирање без целосно запирање.

Иако со побавната програма свесно кршат закони на многу држави, од компанијата на Илон Маск тврдат дека не станува збор за исмејување на законот, туку за нормално поминување покрај знакот доколку системот процени дека во близина нема други учесници во сообраќајот.

„Тесла“ може да помине покрај знакот со брзина од најмногу 9 километри на час без загрозување на другите.

Иако звучи како разумно објаснување, по два состанока со Националната управа за сигурност во сообраќајот на автопатиштата (NHTSA), челниците на „Тесла“, сепак, биле принудени да ја повлечат бавната програма.

Американскиот производител на електрични автомобили повлекол околу 54.000 возила со софтвер кој на возачите им нуди опција за игнорирање на знакот „Стоп“.