Министерот за внатрешни работи на Република Хрватска, Давор Божиновиќ, ја потврди информацијата што деновиве се појави во медиумите - дека министерството ќе ги опреми полициските службеници со камери.
- Оваа иницијатива не само што ќе обезбеди подобра заштита на правата на граѓаните туку значително ќе придонесе и за заштита на самите полицајци при извршувањето на нивните работни задачи - истакнал министерот во интервју по повод Денот на полицијата.
Сите единици ќе бидат опремени
Камерите ќе бидат клучна алатка за документирање на интервенциите, заштита на граѓаните и службениците од неосновани обвинувања, а снимките ќе обезбедат важен доказ за полициското однесување. Сличен систем веќе се користи во светот, од САД, Велика Британија, па до Австралија, и во многу случаи се покажал ефикасен во намалувањето на бројот на инциденти и зголемувањето на довербата на јавноста во полицијата.
- Планираме да започнеме со процесот на јавни набавки во средината на октомври, по што ќе следува целосна имплементација. Планирано е да се набават околу 2.000 камери за носење и 190 станици, кои ќе бидат дистрибуирани до сите полициски станици, вклучително и основната и сообраќајната полиција.
Снимките од полициските камери ќе бидат користени и за едукативни цели, што ќе помогне за понатамошно развивање на професионалното однесување на полициските службеници. Тие дополнително ќе се обучуваат за користење на овие камери, а министерството за внатрешни работи сака да го подигне нивото на транспарентност и да го стандардизира однесувањето на униформираната полиција.
Извор: bug.hr
Фото: Freepik