Ако постои нешто што „Нетфликс“ го прави добро, тоа се драма-сериите.
Гледачите што се претплатиле на оваа популарна стриминг-платформа во последно време имаат можност да уживаат во доста добри серии.
Април беше одличен месец бидејќи платформата објави серија на брилијантни филмови и ТВ-серии. Но, една од најновите серии навистина ќе ве натера да останете заковани на каучот сѐ додека не ја изгледате цела.
Станува збор за серијата „Случајот Асунта“ (The Asunta Case) чие дејство ја следи вистинската приказна за исчезнувањето на 12-годишната Асунта Бастера.
Девојчето исчезна во 2013 година, а нејзиното тело беше пронајдено во шпанскиот град Сантијаго де Компостела по само неколку часа откако нејзините родители пријавиле дека е исчезната.
Асунта, родена во Кина, била посвоена од нејзините родители Росарио Порто и Алфонсо Бастера кога имала само 9 месеци.
По неколку дена откако серијата се појави на „Нетфликс“ стана многу популарна и публиката вели дека успеала да ја изгледа за само еден ден.
Фото: Screenshot/YouTube