Градежните проекти се еден од подобрите примери како Кина стана светска велесила. Преку градежните проекти, Кина сака да создаде силна меѓународна врска.

Кина има различен став од другите земји кога станува збор за градежни и еколошки проекти. За на своите проекти да имаат доволно луѓе, кинеските компании често испраќаат свои работници на проекти надвор од Кина. Ваквите проекти често се под напад на критичарите бидејќи кинеските компании не вработуваат доволно локални работници.

Кинезите се фокусираат на своите соседи. Им позајмуваат пари за огромни градежни проекти, како изградба на патишта и автопати. Пакистан токму останува без пари поради долговите што ги има кон Кина. Речиси половина од електричната енергија на Камбоџа се генерира од седум хидроелектрани. Сите седум ги изгради Кина. Браната Камчај на јужниот брег на Камбоџа, Кинезите почнаа да ја градат во 2007 година, завршена е кон крајот на 2011 година, а е пуштена во употреба во 2012 година. Висока е 112 метри, а чинела 280 милиони долари и е четвртата најголема хидроелектрана во Камбоџа.
Шри Ланка позајмила повеќе од 1,4 милијарда долари од Кина за своето длабокоморско стратешко пристаниште Хамбантота, но никако не можела да ги врати парите. Сега Кина го контролира пристаништето.


Самиот Пекинг се откажа од еколошко неприфатливи електрани, но не се откажуваат од изградба на такви проекти надвор од Кина. Со „Медупи“ во Јужна Африка, една таква се наоѓа и близу Сиханоуквиле во Камбоџа. Вкупната сила е 945 MW.


Кинеските проекти некогаш не завршуваат успешно. Во некои случаи земјите влегуваат во финансиски проблеми, така што мора повторно да преговараат околу своите кредити, што често ги става во уште поголем долг. Поради тоа, некои од проектите никогаш не завршуваат. Еден од нив е еквадорската пацифичка рафинерија, за која Еквадор потрошил милијарда долари за подготовка на теренот. Кинезите требало да изградат рафинерија вредна 12 милијарди долари, со површина од 5 квадратни километри, а проектот требаше да биде изграден во 2013 година. Изградбата нема ни започнато.


Браната Мерове, која се наоѓа во близина на суданскиот град Мерове, е изградена во период од 5 години и пуштена во работа во 2009 година. Вкупната сила е 1.250 MW, а цената на изградба изнесувала 1,5 милијарда долари. Сместена е на реката Нил, околу 350 километри од главниот град на Судан, Картум.


Еден од 600. проекти низ светот е и изградбата на Пелешкиот мост. Проектот го презеде „Чајна роуд енд бриџ корпорејшн“, а рокот на завршувањето е до 2021 година. Компанијата е основана во 1979 година, а меѓу проектите е и 55-километарски мост што ги спојува Хонг Конг, Џухај и Макао.