Јапонската влада ѝ дава на земјата екстра-долг одмор за да го одбележи крунисувањето на новиот цар на земјата, но овој потег предизвика мешани реакции меѓу трудољубивите граѓани што се грижат дека деновите би имале можни негативни ефекти врз бизнисот, како и недостиг на активности со кои би ги окупирале децата кога не се на училиште.

Анкета во весникот „Асахи“ покажа дека 45 отсто од испитаниците се чувствувале несреќни во врска со долгиот одмор, во споредба со 35 отсто што рекле дека се среќни.


Бидејќи 29 април, денот „Шова“, веќе е државен празник, а од 3 до 6 мај се одбележува традиционалната „Златна недела“, кога се одбележуваат Денот на уставот, Граѓанскиот одмор и Денот на детето - новите закони значат дека јапонските работници ќе имаат 10-дневна пауза, вклучувајќи ги и викендите.

Но, продолженото време за одмор ги загрижи вработените од финансискиот сектор поради можно нарушување на пазарот, што може да резултира со зголемена нестабилност на акциите и валутата. Еден трговец изјави дека е ужасно што компаниите нема да можат да тргуваат шест работни дена.

Во меѓувреме, работниците со договор, кои се платени на час или ден, велат дека се плашат од загуба во приходот. Освен тоа, и родителите се загрижени затоа што нема да имаат со што да ги окупираат нивните деца, со оглед на тоа што дневните центри и детските градинки ќе бидат затворени во текот на 10-дневната пауза.

Но, не е сè толку лошо. Среде овие грижи, туристичката индустрија забележува значително зголемување на резервациите за патувања во странство, сигнализирајќи дека некои Јапонци ќе го искористат празникот.

Престолонаследникот Нарухито ќе го преземе тронот на 1 мај, наследувајќи го императорот Акихито и воведувајќи нова империјална ера позната како Реива ера.