Возачите на „Формула 1“ мора да имаат многу таленти. Покрај тоа што треба да возат добро, истовремено треба да дадат точни повратни информации за тимот во боксот и да ги разберат поставките на болидот. За да можат да го направат сето ова, мора да бидат во топ-форма.

„Формула 1“ трките се доста исцрпувачки. Во најекстремната трка - „Големата награда на Сингапур“, возачите ќе изгубат околу 4 килограми поради потењето. Но, и во текот на други трки возачите даваат големи напори за да се справат со топлината и стресот.

Што јадат возачите на Формула 1?

Јаглехидрати: На возачите им е потребна енергија, па поради тоа тие внесуваат јаглехидрати пред трките и пред тренинзите. Тие доаѓаат во облик на бавно согорувачки јаглехидрати богати со влакна, како житарките, кафеавиот ориз, мешунките, а не од тестенини или помфрит. Јаглехидратите што ги консумираат се исто така богати со калиум и магнезиум корисни за умот, мускулите и нервниот систем.

Овошје и зеленчук: Со низок удел на масти и висок удел на енергија, витамини и минерали, возачите на „Формула 1“ имаат неограничен пристап до салати. На возачите дневно им се потребни најмалку пет до седум порции овошје и зеленчук, а се советуваат да консумираат и повеќе од тоа. Покрај хранливата вредност на овошјето и зеленчукот, тие ќе помогнат во ослободувањето на енергијата и зајакнувањето на имунитетот.

Протеини: Тие ги обезбедуваат аминокиселините неопходни за изградба на мускулните клетки. Исто така, неопходни се за закрепнување на повреди како што се модринки и истегнувања. За одржување на телесната маса, потребни се два грама протеини на секој килограм од телесната тежина, што значи дека на возачите на „Формула 1“ им е потребна диета со висок удел на протеини, а со низок удел на масти, како што се пилешкото месо и рибата, додека тофу и мешунките се идеални за веганите, како што е седумкратниот светски првак Луис Хамилтон.

Вода: За да остане организмот хидриран, водата им е особено важна на возачите. Исто така, возачите консумираат вода од кесички, која е богата со електролити, а која ја исфрлаат преку потта во текот на трките. Електролитите помагаат во одржувањето на нивото на гликоза во крвта контролирајќи го менталниот и физичкиот умор.

Како изгледа менито на еден возач на Формула 1?

Појадок: овесна каша со бобинки, банана, јаткасти плодови, засладена со мед.

Ручек: салата, пилешки гради, сос од домати и варен зеленчук, како и овошје за десерт.

Вечера: супа од домати, риба на скара, благ компир и салата, а исто така консумираат и јогурт како десерт.

Кариерата на „Формула 1“ возачите е кратка, а нивната диета е само една компонента на патот кон врвот.

Колку е полесен автомобилот, толку е побрз, а истото важи и за возачите. Поради тоа, во „Формула 1“ беше воведена минимална комбинирана тежина од 180 килограми, која ги вклучува: возачот, кацигата, чизмите и тркачката опрема.


Извор: n1.info.rs
Фото: Screenshot/YouTube