Универзитетот „Харвард“ и Универзитетот во Флорида воведуваат курс за музичко раскажување со Тејлор Свифт и други женски артисти.
Новиот курс се вика „Тејлор Свифт и нејзиниот свет“ и ќе ги истражува музиката, текстовите и културното влијание на Свифт. Исто така, курсот ќе разгледа како нејзината работа влијаела врз другите уметници, писатели и врз денешната младина. Успехот на Тејлор со нејзината турнеја „Ерас“ е доказ дека таа има големо влијание врз помладата генерација.
Нејзиното присуство има траен ефект врз нејзината растечка база на обожаватели, без разлика дали тоа е преку нејзините разговори или песни. Наставната програма дополнително ќе истражува како нејзините уметнички придонеси се вкрстуваат со литературниот канон.
Двата универзитета нудат нови курсеви кои ќе ја истражуваат музиката на Тејлор Свифт и други женски уметници. Професорката Стефани Бурт ќе го предава курсот на Универзитетот „Харвард“, а курсот ќе ги разгледа музиката, стиховите и културното влијание на Свифт.
Мелина Хименез ќе го предава курсот на Универзитетот во Флорида со наслов „Музичко раскажување приказни со Тејлор Свифт и други култни женски уметници“. Списокот вклучува некои од иконските имиња како Арета Френклин, Били Холидеј и Доли Партон.
- Имаме среќа што живееме во време кога еден од нашите најголеми уметници е исто така еден од најпознатите луѓе на планетата, па зошто не би имало курс за тоа? - вели професорката Стефани Берт.
Извор:
Hindustiantimes.com
Фото:
Instagram