На 24 февруари Русија ја нападна Украина, а веќе една и пол недела руските сили продолжуваат да ги напаѓаат украинските градови. Пред неколку дена руските војници влегоа во Кресон, а почнаа и нападите на Харков и предградието на Киев.
Во руската инвазија на Украина загинаа повеќе од 2.000 украински цивили, а уништени се стотици објекти, вклучувајќи болници, градинки и домови. Русија објави дека има мртви, но не наведе бројки.
Осуди од Западот, неутрални соседите на Русија
Уште од самиот почеток беше осудена руската агресија и беа упатени повици за мир. Очекувано, Белорусија, од чија територија Русија ја нападна Украина, ја поддржа Русија. Остатокот од Европа е обединет во осудувањето на инвазијата. Единствено Србија одлучи да биде неутрална. Таа го поддржа територијалниот интегритет на Украина, но не и санкциите против Русија.
Осуди доаѓаат и од Северна Америка, Австралија, Јапонија, Јужна Кореја, Непал, Грузија и делови од африкански и јужноамерикански земји.
Поддршка на Русија ѝ дадоа Куба, Никарагва, Венецуела, Сирија, Иран, Северна Кореја и Мјанмар. Соседите на Русија, Казахстан и Монголија, се неутрални, како и Кина, која повика на мир, но одбива инвазијата да ја нарече војна.
Извор:
Index.hr
Фото: Screenshot/Index