Берт Јенсен (57) од Холандија речиси 40 години живее со донирано срце што го доби во болницата Харефилд во Укбриџ, северозападен Лондон, во 80-тите години, со што се запиша во Гинисовата книга на рекорди како пациент кој најдолго живее по трансплантација на срце.
Таткото на две деца и пилот на едрилица рече дека е чест да се достигне рекордната пресвртница, но сепак е благодарен за неверојатниот подарок што го добил од донаторот, пренесува Би-би-си.
- Никогаш не можев да замислам дека ќе дојдам толку далеку - рече Јенсен, додавајќи дека поставил репер за другите кои сега имаат доказ дека е можно долго да се живее со донирано срце.
На новиот рекордер му била дијагностицирана кардиомиопатија, болест која влијае врз способноста на срцето да пумпа крв низ телото, кога имал 17 години, откако развил симптоми слични на грип.
Неговата операција беше 107. трансплантација во болницата Харефилд.
Извор: МИА