Експериментите со ткиво на црниот дроб планирани за Меѓународната вселенска станица можат да обезбедат алтернатива на црн дроб за трансплантација.

Досега завршените експерименти покажуваат дека уникатните услови на ниска орбита на Земјата, на оддалеченост од 1.900 километри од Земјата, ќе им помогнат на ткивата на црниот дроб самостојно да се соберат со подобрена функционалност во споредба со методите базирани на Земјата.

- Ова е клучен чекор кон создавање одржливи импланти на ткиво на црниот дроб што би можеле да послужат како алтернатива или додаток на традиционалните трансплантации на црн дроб - вели д-р Тами Чанг од Универзитетот во Калифорнија, Сан Франциско, водач на истражувањето.

Клетките во експериментите се создадени од нормални човечки клетки репрограмирани да дејствуваат како ембрионални матични клетки, што значи дека можат да се променат во многу различни типови клетки.

За разлика од методите за инженерство на ткива врзани за Земјата, микрогравитацијата им овозможува на клетките слободно да лебдат и природно да се организираат, што резултира со физиолошки попрецизни ткива, објаснуваат истражувачите.

Научниците развија приспособен биореактор наречен „Тишу орб“ за да ги сместат нивните експериментални ткива, кој го симулира природниот процес на проток на крв во човечките ткива.

Истражувачите работат на напредни техники на ладење за да овозможат безбеден транспорт на инженерските ткива од вселената до Земјата, одржувајќи ги во замрзната состојба без да се оштетат. Оваа технологија би можела да го продолжи рокот на траење на ткива и потенцијално да се примени на цели органи, велат тие.