Онлајн базата на податоци „Нумбео“, во својот индекс на трошоци на живот, што го објавува на секои шест месеци, открива дека швајцарскиот град Женева има највисок резултат на вкупните трошоци на живот, за првата половина од годинава.

Цирих е на второто место, додека Њујорк е на третото. Изненадување за сите кои живеат во Лондон, но овојпат главниот град на Велика Британија не се најде во топ 10, туку го зазеде 13. место на листата. Што се однесува до другите градови во Обединетото Кралство, Единбург беше рангиран на 30. место, веднаш над Амстердам, додека Манчестер и Глазгов беа рангирани на 53. и 54. место соодветно.

Американските градови го сочинуваат мнозинството од врвот на листата, со Њујорк на третото место, Сан Франциско на четвртото, а по него е Бостон.

Рејкјавик, главниот град на Исланд, е на шестото место, додека остатокот од рангирањето во првите десет го заземаат американските градови Вашингтон, Сиетл, Лос Анџелес и Чикаго.

Компанијата со база на податоци ги разгледала факторите како што се цената на намирниците, оброците во рестораните, трошоците за изнајмување и колку далеку оди локалната валута за да ги формулира своите резултати.

Извор: n1info.hr

Фото: Freepik