Ако сакате крстосување и идејата да го живеете животот на луксузен мегаброд, тогаш почнете да штедите затоа што во 2025 година компанијата „Сторилајнс“ со седиште во Мајами планира да го пушти во употреба својот нов мегаброд од 1,5 милијарда долари, долг 230 метри, со 547 приватни резиденции.

Од „Сторилајнс“ велат дека бродот наречен „МВ Наратив“ е првиот еколошки одржлив брод за приватен престој.


- Тоа е многу повеќе отколку што би платиле да одите на одмор крстосувајќи, но привлечноста на бродот е во тоа што ќе можете да патувате низ светот од удобноста на вашиот дом - изјави извршниот директор на „Сторилајнс“, Алистер Пунтон.

„Сторилајнс“ и хрватското бродоградилиште „Бродосплит“ моментално се во фаза на проектирање и инженерство за изградба на огромниот брод, за кој компаниите велат дека ќе биде прв од ваков вид што ќе се напојува со погон на природен течен гас. Овој метод ги намалува емисиите на јаглерод диоксид за околу 25 отсто во споредба со традиционалната дизел-енергија.


Луѓето што ќе живеат на бродот ќе го заобиколуваат светот на секои три години. Тргнувајќи од домашното пристаниште на бродот во Хрватска, бродот ќе помине до пет дена во главните пристаништа низ светот.

Покрај приватните луксузни резиденции, бродот треба да понуди 20 различни ресторани и барови, пошта, училиште, библиотека, болница, банка, канцелариски простории и неколку базени.


Бродот ќе може да се пофали и со најголемиот велнес-центар на море кој ќе вклучува спа-центар, сала за вежбање и клиника против стареење во простор од 929 квадратни метри.

Извор: CNBC
Фото: Storyline