Сите жители на Малта постари од 16 години ќе добијат ваучери во вредност од 100 евра како дел од напорите на тамошната влада за заживување на јавното трошење и консумација.

Мерката е дел од владиниот план за економска ревитализација додека Малта почнува да закрепнува од пандемијата на Ковид-19.

Ваучерите, кои ќе бидат поделени на пет ваучери по 20 евра, ќе им бидат испратени на примателите по пошта.

Луѓето ќе можат да искористат 80 од стоте евра на места како ресторани и барови, додека останатите 20 евра може да ги трошат во продавниците што се отворија неодамна.

Мерката е една од многуте најави на владата додека земјата преминува во фаза на економско закрепнување од ефектите од пандемијата на Ковид-19.

Извор и насловна фотографија: Malta Business Weekly