Секој втор Германец го смета исламот за закана, се наведува во истражувањето на фондацијата „Бертелсман“.

На истокот на Германија дури 57 отсто од испитаниците изјавиле дека го сметаат исламот за закана, додека во западниот дел од земјата оваа бројка е малку помала и изнесува 50 отсто.

Авторите на студијата предупредуваат на опасноста од поедноставени интерпретации на резултатите од нивното истражување.

- Резултатите укажуваат на тоа дека станува збор за распространета скептичност кон исламот, која, меѓутоа, не може да се поистовети со исламофобија - изјави Јасемин Ел Меноур, експерт за верски заедници во фондацијата „Бертелсман“.

Деталното истражување покажува дека во многу случаи постои воздржаност кон исламот.