Годишниот метеорски дожд „Персеиди“ ќе го достигне својот врв викендов, испраќајќи патеки на светлина што ќе се провлекуваат низ ноќното небо.
- Ако небото е ведро и прилично темно, тогаш излезете пред зори и ќе ги видите „Персеидите“ кои годинава ќе приредат одлично шоу - вели научникот за метеори на НАСА, Бил Кук.
Што се „Персеидите“?
„Персеидите“, еден од најголемите метеорски дождови што можеме да ги видиме, се случуваат секоја година кон крајот на летото. Метеорскиот дожд е предизвикан од минувањето на Земјата низ остатоците оставени по минувањето на кометата 109P/Swift–Tuttle во 1992 година. Годините во кои нема многу месечева светлина обично имаат повеќе метеори на час, дури и до 150-200.
„Персеидите“ своето име го добиле по соѕвездието Персеј, бидејќи се чини дека патеките на метеорите започнуваат од оваа точка на небото.
Кога е метеорскиот дожд?
Во текот на овој викенд, Месечината ќе биде полумесечина во опаѓање, а тоа значи само мало парче на небото. Ова е добра вест бидејќи светлата месечина може да го отежне набљудувањето на метеорскиот дожд. Минатата година, Месечината беше полна за време на врвот на метеорскиот дожд. Не ви е потребна опрема за да го видите метеорскиот дожд, но треба да почекате малку, за вашите очи да се прилагодат на темнината.
Метеорскиот дожд трае од 14 јули до 24 август, но врвот го достигнува на 13 август. Во најсилниот период ќе можете да видите и до 100 метеори на часа, велат од НАСА.
„Персеидите“ можат да се појават каде било на небото. Затоа само легнете на грб, погледнете подалеку од Месечината и набљудувајте го ноќното небо, вели Кук.
Извор:
Phys.org
Фото:
Instagram