За сите оние што ги интересира астрономијата - Месечината ќе изгледа невообичаено полна и светла вечерва, па нема да ви биде потребен високотехнолошки телескоп или двоглед за да ѝ се восхитувате.

Јунската полна Месечина, попозната и како Месечина на јагоди, потекнува од домородните американски племиња Алгоник во североисточниот дел на САД и Источна Канада и се однесува на сезоната на берба на јагоди во регионот, а не вистинската нијанса на Месечината.

И овој јуни се случува да биде на најблиското растојание од Земјата во својата орбита, што ја прави Супермесечина според повеќето стандарди.

Вообичаената дефиниција за Супермесечина е секоја полна Месечина која е на растојание од најмалку 90 отсто од перигејтот (точката во која Месечината е најблиску до Земјата). Јунската полна Месечина се наоѓа на 357.568 километри оддалеченост.

НАСА вели дека Супермесечината изгледа околу 17 отсто поголема и 30 отсто посветла од најбледата Месечина во годината, кога е најдалеку од Земјата во нејзината орбита. Супермесечините се релативно ретки, се случуваат три до четири пати годишно и секогаш последователно.

Оваа Супермесечина ќе биде видлива на небото во вторник. Сè додека небото е чисто и ништо не ви го блокира погледот, треба да можете да го гледате без потребна опрема.

Не грижете се ако не успеете да ја видите - ќе има повеќе Супермесечини овој месец. Следните ќе бидат видливи на 13 јули и 11 август.

Извор: Wfae.org
Фото: Instagram