Ретки се оние што претходните години не сакаа да одат далеку од градот и мирот да го побараат некаде во природа.
Бидејќи физичкото дистанцирање и новата нормалност станаа секојдневна тема, многу луѓе во светот (особено поразвиените) одлучија да ги заменат тесните станови и тесните градски улици со малку мир и повеќе приградски простор.
Потребата за повеќе простор и поголема приватност се наведуваат како двете најчести причини за промена на местото на живеење. Иако живеењето во центарот на градот носи безброј предности (повеќе забавни и културни содржини, повеќе компании и работни места и, воопшто, повеќе бенефиции), живеењето во предградието, особено за оние што основале семејства, има свои предности. Ако сте се запрашале зошто некој би сакал или би требало да размислува да живее надвор од центарот на градот, еве неколку аргументи во корист на предградијата.
Повеќе простор за вас и околу вас
Една од главните причини зошто луѓето се преселуваат во предградијата е повеќе простор - и внатре и на отворено. За почеток, веројатно ќе уживате во поголемо растојание помеѓу вас и вашите соседи. Ако некогаш сте живееле во центарот на градот, каде што растојанието помеѓу два стана е главно исто колку улицата што ги дели, јасно ви е зошто тоа е предност. Во предградијата се помали шансите да ги имате овие проблеми - ќе има доволно простор помеѓу вас и вашите соседи. Дополнително, поголем плус е и повеќе отворен простор и јавни зелени површини.
Инвестирањето во удобност е бесценето
Преселбата во предградијата не е нужно поевтина опција. Всушност, многу американски и европски предградија се скапи и не е невообичаено јавните личности или богатите луѓе да живеат таму.
Сепак, и во поскромните предградија сигурно е дека за вложените пари ќе добиете многу повеќе во однос на квадратурата и структурата на домувањето. Тоа го поткрепува и фактот што сѐ повеќе се градат нови, удобни комплекси надвор од градските центри. За оние што копнеат по поудобен дом, заминувањето надвор од центарот е секако нешто што треба да се земе предвид.
Фото: Pixabay
Повеќето од поновите станбени населби имаат обезбедени гаражи, па можете да бидете сигурни дека нема бескрајно да кружите во потрага по паркинг.
Повеќе мир и тишина за вашето уживање
Несомнено е дека животот во центарот е жив и гласен. Од звукот на автомобилите и сирените до секојдневниот урбан метеж, сигурно нема да најдете многу мир (во текот на денот, а често и ноќе) ако живеете во центарот. Се разбира, многу жители на градот (особено младите) ја сакаат гласната, жива енергија што ја зрачи урбаната средина и тоа е една од причините поради кои се одлучуваат да живеат во центарот. Сепак, за оние што се уморни од бучавата, заситени од излегување, преселбата во „потивки“ области се покажа како добра и сè попопуларна опција. Дури и оние станбени комплекси што имаат продавници и ги нудат сите погодности за удобен живот се далеку порелаксирани и помирни од центарот на градот. Ако барате мир и тишина, почнете да размислувате за враќање во предградијата.
Нов концепт на хумано домување
Градскиот живот има многу предности, но исто толку и недостатоци. Секојдневната борба со постојаниот метеж, смог и сообраќај е доволна за да се подигне нивото на стрес и, воопшто, да се отежни секојдневното функционирање. Предградијата нудат брз пристап до продавници, училишта, трговски и спортски центри и други објекти. Под претпоставка дека вашата работа не е во спротивниот дел од градот, преселувањето во предградие може да биде најсоодветната опција за вас и вашето семејство.
Недостатоци на живеење во предградијата
Се разбира, не секој сака да живее во предградие. Од друга страна, жителите на градските центри во повеќето случаи се совршено задоволни од брзиот градски начин на живот и не би избрале ништо друго. Имајќи го ова на ум, листата со недостатоци на предградијата би вклучувала: подолго патување од дома до работа (и обратно), помалку содржини за забава, недостиг на ноќен живот, помалку разновидна населба (и повеќе „семејна“ атмосфера каде што повеќето соседи се знаат едни со други). Сепак, постои можност за „златна средина“. Ако одлучите да ја побарате вашата среќа во предградијата, а го сакате центарот, изберете еден од поновите станбени комплекси што ќе ви ги обезбеди сите удобности на центарот на градот со мир и широчина на периферијата. Во близина на центарот, а далеку од него.
Фото: Pixabay