Најстариот трговски центар во Данскa, копенхашкиот „Редовр“, отстрани восочна фигура на Мајкл Џексон затоа што била навредлива за посетителите и можела да биде оштетена, имајќи предвид дека покојниот крал на поп-музиката беше обвинуван оти сексуално злоупотребил деца.

Маркетинг-менаџерката Шарлот Андерсен изјави дека примиле 15 приговори поради статуата, главно од семејства со деца. Така, Џексон е заменет со „восочен“ Бред Пит.

Во трговскиот центар е отворена изложба на восочни фигури на светски ѕвезди, како што се Мерилин Монро и Џулија Робертс.

Комплексот „Редовр“ е отворен 1966 година.

Извор: МИА