Новиот Гинисов рекорд за највозрасен човек на светот од денеска му припаѓа на Јапонецот Читетсу Ватанабе од Нигата, кој има 112 години и 344 дена.

Јапонецот, инаку роден во 1907 година, сака слатки и верува дека насмевката е лековита.

Претходниот рекордер беше исто така – Јапонец, Масазо Нонакас, кој почина минатиот месец. Највозрасна жена е Јапонката Кане Танака, која има 117 години.

На прашање во што е тајната на неговата долговечност, Ватанабе препорачува луѓето никогаш да не се лутат и секогаш да се насмеани.

Ватанабе завршил земјоделско училиште и потоа се преселил на Тајван, каде што работел на плантажи за шеќер. Таму живеел 18 години. Се оженил со сопругата Мицу и имале пет деца. По Втората светска војна Ватанабе се вратил во Нигата.