Истражувачите што работеле со револуционерна алатка за уредување на гените откриле илјадници гени што се од суштинско значење за опстанокот на клетките на ракот и ги подобруваат шансите за напредок во третманот против оваа болест.

Научниците од Институтот „Велок Сангер“ во Кембриџшир работеле со системот „Crispr/Cas9“  за да го нарушат секој ген во рамките на 30 различни вида рак.


Еден идентификуван ген е Вернеров синдром, кој е хеликаза, за кој истржувачите откриле дека е од суштинско значење за одржување на некои од најнестабилните видови рак, но кои моментално не можат да бидат таргетирани.

Истражувањето било соработка меѓу Институтот „Велкоме Сангер“, Европскиот институт за биоинформатика и фармацевтската компанија „Глаксо Смит Клајн“. Тоа би можело да помогне во намалувањето на трошоците за ефективен третман за ракот: институтот рече дека во моментов се потребни повеќе од 1 милијарда долари за да се направи еден лек, а дека 90 отсто од нив не успеваат за време на тестирањето и развојот.

Пофалувајќи ја алатката што го направила овој пробив, д-р Косуке Јуса, коавторот во истражувањето, рече дека „Crispr“ е неверојатно моќен.

- Ни овозможува да создадеме наука во обем и прецизност што претходно не можевме - изјави тој.

- Со „Crispr“ откривме возбудлива можност да се развијат нови лекови што го напаѓаат ракот - додаде тој.

- На крајот, се надеваме дека ова ќе влијае врз начинот на кој ги третираме пациентите, па многу повеќе пациенти ќе добиваат ефективни терапии - изјави д-р Гарнет.

- Оваа работа дава одлични појдовни точки, така што наредниот чекор ќе биде темелна анализа на гените што се идентификувани како слабост во истражувањето за да се утврди дали еден ден тие ќе доведат до развој на нови третмани на пациентите - рече професор Карен Воусден, главен научник во организацијата „Истражување на ракот“.