Не постои јасна дефиниција за тоа кога започнува и кога завршува пандемијата, а степенот на закана од глобална епидемија може да варира од земја до земја.

- Тоа е донекаде субјективна пресуда бидејќи не се работи само за бројот на случаи. Се работи за сериозноста и влијанието - вели д-р Мајкл Рајан од Светската здравствена организација.

Во јануари 2020 година СЗО го означи вирусот како глобална здравствена криза од „меѓународно значење“. Неколку месеци подоцна, во март, здравствената агенција на Обединетите нации ја опиша епидемијата како „пандемија“, укажувајќи на фактот дека вирусот се проширил на речиси сите континенти, а многу други здравствени службеници рекоа дека може да се опише како таква.

Пандемијата во голема мера може да се смета за завршена кога СЗО ќе одлучи дека вирусот повеќе не е вонредна состојба од меѓународно значење, знак што нејзиниот стручен комитет повторно го оценува на секои три месеци. Но, ако најакутните фази на кризата стивнаа, тие би можеле да варираат во разни земји.

- Нема да се случи еден ден некој да каже: „Во ред, пандемијата заврши“ - вели д-р Крис Вудс, експерт за заразни болести на Универзитетот „Дјук“. Иако не постојат универзално договорени критериуми, тој рече дека земјите најверојатно ќе бараат континуирано намалување на случаите со текот на времето.

Научниците очекуваат ковид-19 на крајот да стане попредвидлив вирус, како грипот, што значи дека ќе предизвика сезонски епидемии, но не и огромни скокови какви што гледаме во моментов. Но, дури и тогаш, Вудс вели дека некои навики, како што е носењето маски на јавни места, би можеле да останат.

- И кога ќе заврши пандемијата, ковид-19 сè уште ќе биде со нас - рече тој.

Извор: b92.net
Фото: Freepik