Профилот на „Твитер“ на американскиот претседател Доналд Трамп вчера „падна“ од преголема активност, додека комисијата за судска власт на Претставничкиот дом разгледуваше обвиненија за импичмент против него.

До средината на попладнето тој имал објавено повеќе од 100 твитови или ретвитови, информира „Вик“ (The Week).

Пред крајот на денот и весникот „Вашингтон пост“ јави дека Трамп напишал повеќе твитови и ретвитови од секој друг ден, откако ја објави својата кандидатура за претседател во 2015 година.