Турскиот претседател Реџеп Таип Ердоган денеска потпиша указ со кој се одобрува формирање на вселенска агенција на Турција, која ќе биде финансирана од државниот буџет.

Во декретот е посочено дека целите на агенцијата вклучуваат развивање и спроведување национална вселенска програма. Новата структура доби целосно полномоштво за дизајнирање, создавање вселенски летала, системи за набљудување на орбитата, симулатори, вселенски платформи.

Покрај тоа, задачите на агенцијата вклучуваат спроведување вселенски мисии, со пилоти и беспилотни летови за трговски, научни и истражувачки цели. Исто така, вселенската агенција на Турција ќе врши мониторинг на проектите на државните и приватни компании од Турција, кои се занимаваат со истражувања и практични проекти за отстранување на сателити и летала во орбитата од територијата на Турција и нивното враќање.

Една од целите на агенцијата е да ја намали надворешната зависност на националната вселенска индустрија.