Доцна синоќа студентите на Генерален пленум одлучиле окупацијата на факултетите да продолжи, се додека не добијат цврста гаранција дека власта е сериозна во намерата за подготовка на нов закон за Високо образование, ова пред новинарите го изјави претставничката на Студентскиот пленум, Ивана Туфегиќ.

-Средбата не беше од одлучувачки карактер. Ние баравме интегрално нов текст на законот за високо образование. Аргументите беа изнесени за тоа и средбата заврши со договор да имаме следна средба, потенцирам не беше ништо одлучено. Секоја од четирите преговарачки страни требаше да се исконсултира со својата база за да се дојде на следна средба со заклучоци, изјави на денешната прес - конференција Туфегџиќ.