Целосно интегрирано решение за плаќање и давател на инфраструктура, „Paynt“ го прошири своето присуство во нашата земја и е во потрага по засилувања на ИТ-тимови. Основана пред осум години, денес „Paynt“ е меѓународна компанија која работи со клиенти низ Европа и САД, како и со стотици независни продажни организации, даватели на платежни услуги, независни продавачи на софтвери, софтвери како услуга и трговци. Компанијата е со седиште во Рига, Латвија, и има присуство во Литванија, Малта и Обединетото Кралство, а најновото дополнување е Македонија.

Основачкиот и менаџерскиот тим на „Paynt“ се искусни луѓе во европската финансиско-технолошка сцена. Компанијата усвои технолошки пристап во финансиско-технолошкото поле, што резултира со постојано подобрување на веќе достапните производи и развивање нови финансиско-технолошки решенија со додадена вредност. Така, растечкиот ИТ-тим на „Paynt“ е одлично место за професионалци кои сакаат да бидат дел од градењето иновации во финансиската технологија.

Основниот производ на „Paynt“ е платформата Acquiring-as-a-service (AaaS). Платформата ги комбинира и автоматизира функциите што ги бараат давателите на платежни услуги за да се вклучат, да управуваат и да ги задржат трговците. Напредната платформа може да се приспособи и лесно да се интегрира со други решенија преку обемната API-библиотека на „Paynt“ и оваа флексибилност е една од конкурентните предности на компанијата.

Целта на „Paynt“ е да стане купувач за препродавачи на платежни услуги (ISO, PSP, ISV) во Европа. Со финансиската стабилност на компанијата и нејзините финансиско-технолошки решенија што додаваат вредност, прашање на време е кога оваа цел ќе стане реалност.