Со децении, на Параолимпијците создаваат врвни спортски подвизи со помош на нивните инвалидски колички, протетски екстремитети и помагала. Но, каде започнуваат атлетичарот и технологијата? Ова прашање ќе биде во центарот на вниманието на новиот натпревар кој го прославува „судирот“ на човекот и машината.

 

Швајцарија ќе ги одржи првите светски киборг Олимписки игри овој октомври. Натпреварот, познат како „Cybathlon“ е дело на Роберт Риенер, професор по моторни и сензорни системи на ETH во Цирих, универзитет познат по неговите технички програми. Пред неколку години, Риенер ја добил идејата за натпреварот кога читал статија од весник за човек чија нога била ампутирана кој користел моторизирана протетска нога за да се искачи на Sears кулата во Чикаго.

„Тоа ме инспирираше да започнам да размислувам за сличен настан кој би можел да се одржи тука во Швајцарија. Настан кој ќе се прошири надвор од една трка и кој ќе вклучува повеќе дисциплини“, вели тој.

На овогодинешниот натпревар, истражувачите ќе се здружат за да разговараат за технолошките достигнувања на машините со помош на човековите активности, како интерфејс со мозок-компјутер и моќни ексоскелети. Луѓето со телесна попреченост ќе се натпреваруваат во еден од шесте настани, со помош на роботски помагала и тим од експерти. Настанот ќе вклучува мозок-компјутер интерфејс трка, функционална електрична стимулација на трка со велосипеди, и трки користејќи простетска рака или протеза на нозете.

Но, натпреварот нема само да покаже што луѓето можат да направат заедно со машините - тој е дизајниран и да ја подигне свеста за потребите и пречките на лицата со физички хендикеп.