Како што хонорарците стануваат сè побројни, сè повеќе индустрии нудат можности за ваква работа. Речиси 54 милиони луѓе само во САД веќе работат на овој начин - хонорарно, односно како „фриленсери“. Се смета дека до 2020 година, 40% од американската работна сила ќе биде составена од фриленсери, хонорарци и привремени работници.

Истражувајќи ја моменталната состојба на оваа економија, „Flex jobs“, онлајн-место кое ги поврзува фриленсерите и работодавците, следеле 50 индустрии кои вработуваат фриленсери од 1 декември 2015 до 1 март 2016. Тие откриле дека индустрија која има најголема потреба од фриленсери е компјутерската и ИТ-индустријата, по што следува административната, па сметководството и финансиите.

Најдобрите десет индустрии за фриленсинг се:

1. Компјутерска и ИТ
2. Административна
3. Сметководство и финансии
4. Услуги на клиенти
5. Софтвер девелопмент
6. Медицина и здравје
7. Проектно менаџирање
8. Истражувачка анализа
9. Пишување
10. Образование и тренинг.

Бри Рејнолдс, одговорен за онлајн-содржини на „Flex jobs“ изјавува дека компјутерската и софтверска индустрија продолжува да расте, со оглед на тоа што овие категории забележале најголем раст оваа година, но биле во најдобрите десет секоја година.