Денес е среда, 17 август 2016 година, 230-иот ден во годината. Сонцето
изгреа во 05:39, а ќе зајде во 19:33 часот. Денот ќе трае 13 часа и 33
минути.
Ова утро појава на локална облачност имаме во северозападните и
централните предели која се проширува и кон север и кон исток. Во
крајните североисточни како и јужните, југозападните и западните предели
преовладува претежно сончево време.
МАКЕДОНИЈА – Во Македонија во среда во утринските и претпладневните
часови ќе биде претежно сончево со појава на локална облачност, а во
попладневните часови зголемување на облачноста, ветровито и потопло
време. Ќе дува доумерен слаб југоисточен и југозападен ветер кој ќе
достигне брзина до 15 км/ч. Утринските температури од 9 до 18 степени,
додека пак максималните температури ќе достигнат до 27 односно до 37
степени. УВ индекс 8.
СКОПЈЕ – Во Скопје денеска ќе биде претежно сончево со појава на локална
облачност, ветровито и топло. Ќе дува доумерен слаб јужен и југоисточен
ветер. Утринската температура од 15 степени, а максималната дневна до 34
степени. УВ индекс 8.
МАКЕДОНИЈА 5 ДЕНА – Во Македонија во четврток ќе биде претежно сончево
со локална облачност и топло. Попладне и навечер во Охридско-Струшкиот,
како и во Тетовско-Гостиварскиот регион со услови за сосема слаб дожд.
Максималните температури од 27 до 37 степени. Во петок претежно сончево
со локална облачност, попладне и навечер во северозападните, северните,
североисточните и источните предели со услови за слаби локални врнежи од
дожд.Дневните температури од 27 до 37 степени. Во сабота и недела
стабилно време. Во сабота претежно сончево со локална облачност и топло
со температури од 28 до 38 степени. Идентични температури не очекуваат и
во недела кога ќе имаме сончево и топло време.
Weather4all.com.mk