Денес е четврток, 6 октомври 2016 година, 280-иот ден во годината.
Сонцето изгреа во 06:31, а ќе зајде во 18:10 часот. Денот ќе трае 11
часа и 38 минути.
Во утринските часови имаме умерено облачно и свежо време. Можеме да
забележиме дека од север започнува процесот на намалување на облачноста
кое во претпладневните часови ќе се прошири насекаде.
МАКЕДОНИЈА - Во Македонија денес во утринските часови ќе биде умерено
облачно време, а во претпладневните часови намалување на облачноста па
во текот на денот ќе биде претежно сончево со појава на локална
облачност, ветровито и потопло време. Ќе дува доумерен засилен јужен и
југозападен ветер. Утринските температури од 2 до 11 степени, додека пак
максималните температури ќе бидат во пораст поради ведрото време и
јужното воздушно струење и ќе се движат во интервал од 13 до 23 степени.
УВ индексот ќе има вредност 4.
СКОПЈЕ – Во Скопје во утринските часови умерено облачно време со сончеви
периоди, во претпладневните и попладневните часови намалување на
облачноста и ќе преовладува претежно сончево време со појава на локална
облачност и ветровито. Ќе дува доумерен јужен ветер. Утринската
температура од 8 степени, а максималната дневна до 20 степени.
МАКЕДОНИЈА 5 ДЕНА – Во петок во Македонија се очекува продор на
медитерански циклон кој ќе донесе нестабилно време со поинтензивни
врнежи од дожд, засилен ветер и посвежо време. Во западните,
североисточните и југоисточните предели со услови да наврнат и до 20
литри дожд на метар квадратен. Максималните температури од 8 до 18
степени. Во сабота умерено облачно со сончеви периоди и дневни
температури од 10 до 20 степени. Повеќе сонце но и повисоки максимални
температури не очекуваат во недела, кога живата во термометарот ќе се
искачи до 13 односно до 23 степени. Во понеделник умерено облачно време
со сончеви периоди, а попладне со услови за врнежи од дожд и опаѓање на
дневните температури кои ќе се движат од 11 до 21 степен.
Weather4all.com.mk