Вообичаено се зборува за најубави дестинации, најнеобични пејзажи, споменици, музеи... Овој пат станува збор за осумте аеродроми во светот кои можат да ви станат поттик за идните патувања.



Море и палми, а меѓу нив полетуваат и слетуваат авиони. Мини рај во срцето на Индискиот Океан. Понекогаш при слетувањето, можат да се забележат и делфини.

Има една позната фотографија со авион кој слетува точно над плажата... Е, токму тоа е плажата Махо во Свети Мартин, карипскиот остров што административно е поделен меѓу Франција и Холандија. Што ќе здогледате прво при слетувањето? Пливачи. Вам ќе ви биде супер, а за тоа какво е искуството на пливачите кога авион им слетува неколку метри над главата додека се сончаат, не би можеле да зборуваме.

Слетувањето е на самата француска ривиера. Нема зборови што можат да го доловат чувството од оваа глетка. Фотографиите зборуваат за тоа.

Веднаш ќе ви падне в око Шеќерната глава и ќе имате прекрасен поглед на брегот на Рио.

Не станува збор за Хитроу или Гетвик, туку за Лондон Сити аеродромот кој е многу поинтересен од другите. При слетувањето ќе имате спектакуларен поглед на центарот на градот: Биг Бен, мостот Тауер, зградата на парламентот... и многу други знаменитости, под услов да имате седиште до прозорецот.

Ретко кој аеродром е лоциран  во центарот, но доколку патувате за Торонто, ќе го видете и тоа. Аеродромот се наоѓа на островце, само на неколку минути до главната станица на метрото. Ќе го видите езерото Онтарио и ЦН Кулата (Canadian National Tower).

При слетување на овој аеродром, во вашиот видокруг ќе бидат и Европа и Африка, односно Шпанија и Мароко. Се разбира, и гибралтарската карпа.

Ако имате желба да ги видете Алпите, а не сте по планинарењето, купете карта до аеродромот Куршевел во Франција. Погледот е прекрасен, со снежни планински врвови од сите страни. А дополнително ќе доживеете и незаборавно слетување под наклон од 18,5 проценти.