Делот од патот во центарот на јапонскиот град Фукуока сега повторно е отворен за сообраќај - Јапонците за само неколку дена успеале да ја затворат огромната дупка широка 30 метри и длабока 15 метри, која пред неколку дена ја проголта раскрсницата.
Но проблемот не е само во дупката. Во прекин била целосната комуникативна и електрична мрежа, па затоа компаниите во околината биле принудени да ги затворат своите бизниси, за среќа, на кратко.

Работниците работеле без престан за да ја затворат дупката голема колку половина олимписки базен. Типично за Јапонците, беше објавено искрено извинување веднаш после прекинот на работењето на раскрсницата.

Колку за илустрација, слична дупка во Манчестер се поправала 10 месеци, а во Јапонија таа се поправи за само 2 дена. Може да замислиме колку би требало во Македонија да се поправи ваков проблем.