12 лица загинаа и 48 беа повредени откако камион се втурна во толпа на Берлинскиот Божиќен панаѓур во понеделникот вечерта, за што се сомнева дека е терористички напад.

 

Пакистанец беше уапсен како осомничен за поврзаност со инцидентот, но потоа пуштен на слобода. Во весникот „Die Welt“ цитирана била берлинската полиција :

„Го имаме погрешниот човек, а со тоа и нова ситуација – тоа значи дека вистинскиот напаѓач е на слобода и може да нанесе уште штети.“

Иако природата на нападот не е позната, сепак темата тероризам повторно е во прв план на глобално ниво. Од „The Global Terrorism Index“ неодамна го објавиле годишниот извештај, обрнувајќи внимание на преваленцијата на тероризам на глобално ниво.

Резултатите покажуваат дека петте земји со најголемо влијание од тероризам се : Ирак, Авганистан, Нигерија, Пакистан и Сирија. Смртните случаи во овие земји кои се поврзани со тероризам се околу 72 проценти. Дополнително, четири терористички организации придонеле за 74 проценти од смртните случаи поврзани со тероризам : Талибан, која дејствува најмногу во Авганистан, Боко Харам во Хигерија, ал Каеда и ИСИС.

Од „Statista“  креирале мапа врз основа на овие податоци :

Земјите кои потпаѓаат по најголемо влијание на тероризмот се Сирија, Ирак, Јемен, Нигерија, Пакистан и Авганистан. По нив следуваат Либија и Египет.

И покрај неодамнешните зачестени напади, европските земји сепак бележат низок степен на влијание од тероризам според овој индекс.