Јапонски научници оживеаја мозок од мртов глушец и со помош на специјален сад го одржувале во живот 25 дена, објави „Сајенс алерт“.

Всушност, се работи за дел од мозокот на глувче, а времето во кое тоа ткиво било одржувано во живот е значително подолго во однос на досегашните слични експерименти. Претходно доктори од Универзитетот „Јејл“ успеаја да оживеат мозок од свиња која била мртва четири часа, а тој експеримент траел шест часа.

Успешноста на новиот експеримент се должи на нова мембрана и модифициран микрофлуиден уред, користени во испитувањата, а кои го хидрираат ткивото и не дозволуваат тоа да се исуши.

Проблемот е одржувањето на рамнотежата. Овие ткива брзо се сушат, па затоа системот треба постојано да ја одржува влажноста и да ги снабдува со хранливи материи. Но, од друга страна, премногу влага ги спречува клетките да разменуваат гасови што му требаат на ткивото за да преживее.