Од тивко пешачење до архитектура која ја намалува бучавата, еве како луѓето и градовите се спротивставуваат на татнежот на модерниот живот - еден по еден децибел.

Модерниот живот е како крешендо во музиката. Од татнежот на сообраќајот до паметните телефони на кои деноноќно се стримуваат видеа. Оваа огромна какофонија ги натера луѓето да бараат тишина.

- Мислам дека немаме генетски предиспозиции за количината на бучава што ја доживуваме - вели психологот Олга Леман од Норвешка, чија работа се фокусира на тишината. Прекумерната изложеност на загадување со бучава - особено звуци над 85 децибели, приближно на ниво на гласен ресторан, може да доведе до губење на слухот, висок крвен притисок, стрес и несоница.

Некои луѓе ги избегнуваат метежот и бучавата патувајќи во тишина, но поминувањето време во тишина во домот е исто толку клучно.

- Тишината може да ни помогне да го регулираме стресот и нè прави помалку импулсивни - вели Леман.

Неколку трендови покажаа дека луѓето се во потрага по тишината, особено помладите генерации, како што е тивкото одење, феномен што стана вирален на „Тик-ток“, без музика, без поткасти и телефонски повици.

Некои се одлучуваат за подрастични мерки практикувајќи тивки медитации или повлекување во темница. Овие сензорни искуства ги надминуваат аудитивните и преку нив учесниците се во целосна изолација неколку дена, користејќи ги овие денови за себеоткривање и интроспекција.

Социјализација во тишина

За среќа, многу вакви трагачи по тишината ја спојуваат тишината со заедницата, па сега постои планинарење без разговор како медитативна групна активност.

Исто така, постои и „Тивок клуб за книга“, во кој се собираат луѓе да читаат еден час без да разговараат меѓу себе, а читателите го нарекуваат „среќен час на интровертот“.

Подобрување на градските звучни пејзажи

Светската здравствена организација го именуваше загадувањето со бучава како водечки еколошки предизвикувач на здравствени проблеми и го смести на врвот заедно со загадувањето на воздухот.

Од СЗО велат дека зеленилото може да игра голема улога. Засадувањето дрвореди на автопатите ја намалува бучавата до 12 децибели, додека живите ѕидови, како надворешноста создадена од 30.000 растенија на деловна зграда во Диселдорф, Германија, ја впиваат бучавата и ја минимизираат урбаната топлина.

Извор: National Geographic
Фото: Freepik