Уметникот со вештачка интелигенција Аи-Да, робот чија вештачка интелигенција била обучена за ликовна уметност, ја продал сликата „ВИ Бог“, односно портретот на познатиот британски научник Алан Туринг, познат по кршењето на кодовите „Енигма“ од Втората светска војна, за неверојатна сума.

Сликата е продадена од познатата аукциска куќа „Сотби“ на непознат купувач за 1,08 милиони долари, иако се проценувало дека ќе биде продадена помеѓу 120.000 и 180.000 долари. По жестоко наддавање помеѓу 27 купувачи, анонимен понудувач понудил 1,08 милиони долари и „ВИ Бог“ станала негова.

Роботот Аи-Да е дизајниран во 2019 година од британскиот галерист Ајдан Мелер, по што хардверот е изграден во соработка со компанијата за роботика „Инженирани уметности“, а графичките алгоритми кои му овозможуваат да црта ги развиле истражувачи за вештачка интелигенција од Универзитетот „Оксфорд“, додека раката за цртање била развиена од Салахелдин Ал Абд и Зиад Абас, студенти на Факултетот за електроника и електротехника на Универзитетот во Лидс.

Истражувачите разговарале со роботот користејќи го неговиот јазичен модел, го прашале што би сакал да слика, а Аи-Да напоменал дека би сакал да го наслика токму Алан Туринг, како клучна фигура во историјата на вештачката интелигенција.

Потоа разговарале со роботот за стилскиот избор, текстурите и боите и му покажале фотографија од Алан Тјуринг, така што роботот почнал да донесува одлуки и да слика со својата роботска рака, а истовремено да го гледа платното со камерите во неговите очи.

На крајот, Аи-Да избрал три од 15 портрети на Алан Туринг, кои потоа биле фотографирани и префрлени на компјутер, каде што била составена конечната слика врз основа на разговор со роботот за тоа како сака да изгледа последното уметничко дело.

Сè уште не знаеме дали вистинските (човечки) сликари треба да се плашат од конкуренцијата со вештачка интелигенција.

Извор: m.vidi.hr

Фото: YouTube screenshot