Виртуелната реалност моментално се обидува да стане мејнстрим, со растечки број на искуства кои се создаваат. Овие искуства се различни во должина, естетика, наративен стил, цел, интерактивност и тематика. Она што го имаат заедничко е непогрешливото експериментално чувство што го нудат.


Со виртуелната реалност, човек не го толкува медиумот туку е во него; што значи дека медиумот исчезнува, а вашата свест станува медиум.

Всушност, не посто консензус за тоа што се квалификува како виртуелна реалност. За некој тоа е свет од 360 степени во кој можете да влезие преку слушалки. Други тврдат дека публиката треба да има повеќе активност од само гледање наоколу; ти треба да бидат во можност да се движат низ виртуелниот простор. Во тој случај, виртуелната реалност не е ограничена на користење на слушалки, туку може да биде и инсталација каде проекциите ја трансформираат собата во која се посетителите.

Се прашувате од каде да почнете? Еве некои филмови кои ќе ви овозможат да искусите виртуелна реалност.

„Notes on Blindness“

Направен врз основа на снимките од австралискиот автор Џон Хал откако го изгубил видот и научил да живее со тоа во раните 80-ти, ова е одличен пример за тоа како може да се подигнат уникатните квалитети на виртуелната реалност. Животната средина е инспирирана од сцена од филмот „Daredevil“, каде слепиот суперхерој е во состојба да го најде и да се бори против непријателот благодарение на различни звучни капки вода кои произведуваат различен звук при секое капнување.

Времетраење: 20 минути
Цена: Бесплатен
Платформи: „Samsung Gear“, „iOS“ и „Android“

„Lincoln in the Bardo“

Како придружба на последниот роман на Џорџес Сондер, „Lincoln in the Bardo“, во која претседателот Линколн оди да го посети неговиот син Вили, „The New York Times“ произведе краток наратив. Не секоја книга би имала смисла во виртуелна реалност, меѓутоа оваа има бидејќи има силно чувство на поставување - гробишта во една ноќ, а приказната е структурирана на таков начин што има различна интеракција меѓу духовите и многу дијалог.

Времетраење: 10 минути
Цена: Бесплатен
Платформи: „iOS“ и „Android“ преку „the NYT VR“ апликацијата

„Вashir’s Dream“

Многу искуства од виртуелната реалност се фокусираат на животите на бегалците. Сепак, секогаш постои место за нови начини за споделување на овие приказни. Кога кинематограферот Ангел Мануел Сото сакал да ја сподели приказната на Кусаи Башир Масаама, тој се соочил со предизвикот на раскажување на приказната на сирискиот тинејџер кој бил во количка откако го погодиле во грбот. „Кога ја раскажуваше приказната, тој совршено опишуваше. Можеше да се сети на секој детал. Како изгледаше. Како се чувствуваше. Беше ужасно да се замисли низ што поминал. А сепак зборуваше толку невино, како дете“, вели режисерот на „Bashir's Dream“. Решението: да се искомбинираат снимките од моменталната состојба на Башир во Јордан со анимации кои зборуваат за минатите настани и идните соништа.

Времетраење: 4.45 минути
Цена: Бесплатен:
Платформи: „iOS“ и „Android“ преку „Jaunt VR“ апликацијата

„Bear71“



Кога првично беше објавен во 2012 година, овој интерактивен документарец предизвика големо внимание. Документарецот ја раскажуваше биографијата на женска гризли мечка, наречена 71, со апстрактна 3D интерпретација од нејзиното живеалиште, националниот парк Банф и надзорните снимки од другите животни. Целта беше да се натера публиката да се соживее со ситуацијата на дивиот свет.

Времетраење: 20 минути
Цена: Бесплатен
Платформи: „Google Daydream“

„My brother's Keeper“


За да го привлече вниманието на втората сезона на „Mercy Street“, тв драма која се случува за време на Граѓанската војна, „PBS“ објави оригинално искуство со виртуелната реалност во кое двајца отуѓени браќа се бореле на спротивната страна.

Времетраење: 9 минути
Цена: Бесплатен
Платформи: „HTC Vive“, „Oculus Rift“, „GearVR“, „iOS“, „Android“, „Sony Playstation VR, „Google Daydream“.