Замислете парк каде што можете низ дрвјата, по „патека во воздух“ да се релаксирате на лежалка.


Ви звучи примамливо? Ваков парк постои, па доколку сакате да го посетите, тоа можете да го направите во Истанбул, Турција.

Архитектите од „Studio Dror“ ќе ја трансформираат постоечката зелена површина која се наоѓа на 9 километри од центарот на градот, во игралиште за ентузијастите од сите возрасти.

Наречен „Parkoman“, ова атракција ќе има патишта на врвот на дрвјата, лулашки, лежалки, тобогани, па дури и огромни топки - сè со цел повторно да се поврзете со природата или едноставно да го ослободите детето во вас.


Архитектите го дизајнираа паркот околу шума, оставајќи го секое дрво на своето место, како што било побарано од градот. Проектот е во тек, така што сè уште не се знае кога ќе заврши. Како и да е, кога ќе биде готов, не заборавајте да си резервирате лет до Истанбул.