Подготовката за збришување на цели градови и многубројни човечки животи е навистина голема.


На 6 август 1945 година САД фрлија атомска бомба во Хирошима, Јапонија. Бомбата беше наречена „Малото момче“. Потоа на 9 август беше фрлена уште една бомба во Нагасаки, наречена „Дебелиот човек“.

Според Универзитетот на Калифорнија во Лос Анџелес, во Хирошима загинале 150 илјади лица, а во Нагасаки 75 илјади. Од американските национални архиви биле објавени фотографии од подготвувањето на нуклеарните бомби.

Прикажано е како војниците ги проверуваат бомбите и како вршат одредени тестови. На самите бомби тие ги испишувале своите имиња и оставале пораки.


Поминале 72 години откако оружјето за масовно уништување беше фрлено во Јапонија од страна на САД. Јапонскиот премиер повикал за „свет без нуклеарни оружја“ на церемонијата што се одржала за потсетување на двата страшни датуми за Јапонија.

Во исто време, аналитичарите во САД најавиле дека се сомневаат дека Северна Кореја има нуклеарно оружје.

Како што велат експертите, очигледно е дека лекцијата не е научена.