Германија е неверојатно мултикултурна земја, што делумно се должи на нејзиното членство во Европската Унија и на нејзината политика, која одобрува престој на стотици илјади бегалци. Но последователно, против имигрантите се извршени голем број злосторства од омраза.

Еден германски супермаркет презеде одличен чекор, отстранувај ги сите странски производи на еден ден со цел да им потенцира на своите граѓани колку земјата зависи од надворешни извори.

Полиците на супермаркетот „Едека“ во Хамбург биле практично празни, со знаци поставени околу продавницата на кои пишувало: „Оваа полица е прилично здодевна бидејќи нема разновидност“ и „Нашиот избор има граници денес“.

На полиците ги немало шпанските домати, ниту грчките маслинки. Се чини дека кампањата помина одлично на социјалните медиуми.


„Едека се залага за разновидност. Произведуваме широк спектар на храна во нашиот асортиман кој се произведува во различни региони од Германија. Но заедно со производите од другите земји, ние создаваме уникатна разновидност што ја вреднуваат нашите клиенти. Среќни сме што добивме позитивни повратни информации во врска со акцијата“, изјави портпаролот на компанијата.

Great idea. I commend Edeka in Hamburg for thinking of it! https://t.co/X1BHxmvWSc

— Barry J Reed (@TsarReed) August 21, 2017

На почетокот од годината во Германија имало повеќе од 400.000 бегалци кои чекале одобрување по пристигнувањето во 2015 година. Сиријците го сочинуваат најголемиот дел од групата што пристигнала за време на бегалската криза пред две години, а потоа се Авганистанците, Ирачаните, Иранците, Еритрејците и Албанците.

Бројките добиени од Би-би-си покажуваат дека секој ден имало по 10 напади врз имигрантите минатата година. 560 луѓе биле повредени во ваквите насилства. И организациите за бегалци и волонтерите се соочиле со гневот од локалното население.

Бројките на мигрантите се намалија пред две години, откако Германија го затвори балканскиот миграциски пат и потпиша ЕУ-договор со Турција.