Стефани Радевска го освои првото место на натпреварот CISCO NetRiders во категорија CCNA, за регионот Европа, Русија и ЦИС од над 1000 пријавени кандидати. Ова е најголемиот натпревар во областа на компјутерски мрежи, а Стефани е единствениот македонски натпреварувач кој го има освоено првото место на ова големо натпреварување. Наградата што ја освојуваат најдобрите двајца кандидати е еднонеделно студиско патување во седиштето на Cisco во Сан Хозе и бесплатен сертификациски испит.



„Со посетување на CCNA обуката на „Сеавус едукативен и развоен центар“ (СЕДЦ) добив неколку одлични можности. Започнав кариера во „Сеавус групација“ и добив можност да бидам дел од елитниот натпревар на CISCO – NetRiders, каде што стекнатото знаење од мојот ментор Марија Феро ми помогна да го постигнам овој резултат и успех. Овој натпревар беше навистина едно големо и интересно искуство и со нетрпение чекам да го посетам седиштето на Cisco во Сан Хозе, Калифорнија“, вели Стефани Радевска.