Иако обичните смртници мора да имаат трпение до 2019 година за да откријат кој ќе седне на „железниот трон“ и каква судбина ќе имаат омилените ликови, актерите од „Игра на троновите“ го дознале конечниот расплет.


Софи Тарнер, која во серијата ја игра улогата на Санса Старк, открила за „Холивуд репортер“ дека последната сцена ѝ оставила слатко-горчлив вкус.

Крајот на приказната ѝ побудил чувство на тага, но и гордост, вели таа.

„Продуцентите го прочитаа последното сценарио пред целата екипа. Беше многу емотивно. Во еден момент сите заплакавме. Потоа станавме и ракоплескавме“, изјавила Софи.

Во продолжение, најавила многу возбудлива сезона.

„Нè чекаат уште фантастични елементи и епски борби. Во оваа сезона ќе се создадат повеќе поврзаности помеѓу ликовите отколку во која било сезона досега. Нè очекуваат многу сплетки и нови сојузи“, рекла Софи.