Проекцијата на филмот на данскиот режисер Ларс фон Трир, „Куќата што ја изгради Џек“, на овогодишниот Кански филмски фестивал го одбележа тоа што повеќе од стотина посетители ја напуштиле киносалата.
Трилерот со Мет Дилан и Ума Турман го следи убивачкиот поход на серискиот убиец низ неколку децении. Луѓето што го виделе филмот пред проекцијата во Кан изјавиле дека е преполн со сцени со садистичко насилство и бруталност, а директорот на фестивалот, Тјери Фрему, рече дека филмот се занимава со толку контроверзна тема, што може да се прикажува надвор од натпреварувачката програма.

Шефот на њујоршката редакција на магазинот „Варајети“, Рамин Сетод, преку „Твитер“ напиша дека повеќе од 100 луѓе излегле од проекцијата на филмот.

- Ова е најлошиот филм што сум го гледал на кино - напиша тој.

This is how quickly the audience clearly out after Lars von Trier’s ‘The House That Jack Built.’ #Cannes2018 pic.twitter.com/yxZJJww71w

— Ramin Setoodeh (@RaminSetoodeh) May 14, 2018

Меѓутоа, останатиот дел од публиката го поздрави режисерот со десетминутен аплауз откако заврши филмот.