Одлични вести за оние кои мразат да мијат садови: ако имате машина за миење садови, миењето на вашите садови на рака е колосална загуба на вода, енергија, време и пари и тоа може да се докаже со пресметка.

Повеќето луѓе драстично ја потценуваат количината на вода која им тече од чешмите. На пример, одредени машини за миење садови користат помалку од 270 киловат-часови (kWh) годишно и 13 литри вода за еден циклус, но низ повеќето кујнски чешми истекува од 4 до 7 литри вода во минута. Со други зборови, пуштањето на чешмата во тек на само четири или пет минути може да потроши повеќе вода отколку цел циклус на машина за миење садови.

Постарите машини користат повеќе вода, но сепак веројатно помалку отколку што мислите. Освен ако онаа која ја користите е постара од десет години, многу е веројатно дека машината е поефикасна од рачно миење на полн мијалник садови.