Уште како млад, коосновачот на „Епл“, Стив Вознијак, знаел што е успешен живот, а кон оваа едноставна формула се држи и до ден-денес.

„Ја пронајдов мојата филозофија кога имав околу 20 години. Како треба да ми биде во животот? Како се станува добра личност?“, објаснува Вознијак.

„Богатството и јахтите не можат да го направат човекот среќен, не можат да го натераат да се смее. Но шегите и сите забавни работи што ги правам, како и музиката, прават да се смеам. И тоа е мојата формула за среќен живот. Можеби успехот што доаѓа во комбинација со парите ги прави луѓето среќни - но за мене тоа и понатаму се гласната смеа и смеењето. Затоа ја измислив формулата: среќата е еднаква на насмевките минус мрштењето - С=Н-М“, вели тој.

Ова е тешко, особено кога човек зад себе има толку голем успех. Токму поради успехот и поради тоа што човек се наоѓа на врвот, ситуацијата е многу поразлична и е тешко да се одржува баланс, да се биде среќен и да се усреќуваат блиските. Како Вознијак успеал да одржува рамнотежа? Тој вели дека се трудел да не им суди на другите.

„Немојте да се расправате. Дури и кога вашиот аргумент ќе „победи“, ретко си одите среќни“, вели Вознијак и додава дека секогаш треба да убедиме една личност, а тоа сме ние самите.

„Никогаш не сум се грижел за богатството и парите. До денес никогаш не сум ги користел акциите на ’Епл‘, не купувам и не продавам акции“, вели Вознијак.

Поточно, Вознијак ги продал сите негови биткоини кога цената пораснала за да не се грижи за намалувањето или падот на цената. Секако, Вознијак вреди милиони, па разбирливо е опуштено да зборува за сите овие работи.

Сепак, постои една работа што го лути, а тоа е нелогичното корисничко искуство што ви го дава машината, без интуитивно чувство.