Неодамнешниот труд на Д. Фолк и Е. Дан ги разгледува претходните експерименти кои ги испитуваат препорачаните стратегии што можат да ви донесат поголема среќа. Трудот наоѓа докази за ефективноста на неколку стратегии за среќа. Исто така, открива дека неколку препорачани стратегии за среќа, како случајните дела на љубезност, не се поткрепени со докази.

Како да станете посреќни?

Авторите ги разгледале доказите за различни стратегии за зголемување на среќата. Еве неколку од нив:

Практикувајте благодарност: Истражувањата покажуваат дека изразувањето благодарност може за брзо време да ја зголеми среќата. А придобивките можат да траат и до еден ден.

Бидете подружељубиви: Кога луѓето размислуваат да ја задоволат нивната потреба да припаѓаат, тие често размислуваат за формирање интимни врски. Но, дружењето со непознати луѓе може да биде корисно и да ја зголеми среќата.

Однесувајте се како да се чувствувате среќни: Едноставно кажано, исто како што чувството на веселост може позитивно да влијае врз однесувањето, така и ако се однесувате како да сте веќе среќни, може да ви го подобри расположението.

Додајте новост на она што ви е веќе познато: Додавањето новини е еден од начините да ја обновиме нашата благодарност за нив.

Гледајте ја добрата страна на нештата: Оние што размислуваат позитивно имаат поголема веројатност да ја видат чашата до половина полна.

Помагајте им на луѓето: Друг потенцијален начин за зајакнување на среќата вклучува помагање на луѓето. Истражувањето кое ги испитува просоцијалните однесувања (на пр., волонтерската работа, случајните дела на љубезност) откри дека најголемите емоционални придобивки произлегуваат од давањето пари.

Не размислувајте за потенцијално подобра иднина: Зошто? Бидејќи знаењето дека производот што го поседувате ќе се подобри во блиска иднина често ја намалува сегашната среќа. На пример, ако дознаете дека наскоро ќе излезе понапредна верзија на вашиот паметен телефон, тоа може да го намали вашето уживање во верзијата што веќе ја имате.

Посветете помалку време на непријатни задачи: Дали уживате во домашните работи, особено во задолженија како чистење на куќата? Ако не, не сте сами. Посветувањето помалку време на овие задачи може да ја зголеми среќата.

Бидете попаметни во однос на користењето телефон и социјалните медиуми: Ограничувањето на користењето паметни телефони е уште еден начин за подобрување на расположението.

Извор: Psychologytoday.com
Фото: Freepik