Организацискиот комитет на Олимписките игри во Лос Анџелес во 2028 година и Меѓународниот олимписки комитет размислуваат да го прошират списокот на спортови кои учествуваат во игрите. За првпат, Олимписките игри би можеле да вклучат и форма на автомобилизам.

Организаторите во моментов работат на проширување на списокот на спортови во кои земјите учеснички ќе се натпреваруваат на настанот. На конечната листа на нови спортови, заедно со крикет, лакрос, сквош, брејкденс, карате, кикбокс и бејзбол, има и мотоспорт.

Во наредните недели би можеле да дознаеме кој од предложените спортови ќе влезе во програмата на Олимпијадата во 2028 година, или кој од нив ќе биде предложен до Меѓународниот олимписки комитет. Потоа изборот треба да биде потврден на официјално гласање кое треба да се одржи во октомври.

Иако не е официјално потврдено за која форма на авто/мотоспорт се размислува, некои медиуми дознаваат дека најверојатно станува збор за еколошки одржливи трки со мали електрични картинг-возила.

Од 2018 година на промоција на таа идеја работи светската автомобилска федерација ФИА, која таа година организираше и демо настан на Светските младински игри во Аргентина. Доколку картингот влезе во олимписката програма, тоа ќе биде прв пат во историјата нациите да можат да се натпреваруваат во каква било форма на автомобилизам на една Олимпијада.

Извор: Autonet
Насловна фотографија: Pixabay