Социјалната мрежа „Тик-ток“ објави листа со видеа кои ја обележаа годината. На листата може да се најдат различни видеа, од чоколадна жирафа до топење челик во лава. Во продолжение се најгледаните видеа на „Тик-ток“ во 2022 година.
10. Лава наспроти челик
Видеото прикажува топење коцка челик во лава.
9. Бездомникот Том
Едно од најемотивните видеа на оваа листа е она што го следи бездомникот Том, на кој инфлуенсерот Џими Дартс му дал работа.
8. Креативен наставник
Видеото во кое се прикажува наставник кој на учениците креативно им го открива насловот на еден мјузикл ги одушеви корисниците.
7. Танцот на Лизо
Во ова видео Лизо ја покажува кореографијата за својата песна „About damn time“.
6. Песна за момчето со пченката
Симпатичниот Тарик ги освои срцата на луѓето поради видео во кое објаснува зошто сака пченка. Неговото кратко интервју добило и своја песна која е меѓу најгледаните годинава.
5. „Јас сум само бебе“
Станува збор за комично и симпатично видео од девојче кое вели дека е само бебе откако нејзината мајка ја прекорува.
4. Танц на „Jiggle jiggle“
Еден од најпознатите звуци во видеата на „Тик-ток“ е оној на песната „Jiggle jiggle“, а видео во кое е екипата на серијата „Ривердејл“ со песната во заднина е меѓу најгледаните.
3. Росалија
Шпанската музичка ѕвезда Росалија започна тренд снимајќи се со звуци од нејзина песна, а токму едно нејзино видео е меѓу најгледаните на мрежата во 2022 година.
2. Слатка верверица
Видео во кое се гледа симпатична верверица како става лешници в уста било прегледано речиси 280 милиони пати.
1. Чоколадна жирафа
Најгледаното видео на „Тик-ток“ во претходната година било направено од готвач кој го покажува процесот на изработка на огромна чоколадна жирафа. Видеото има 300 милиони прегледи.
Извор:
Klix
Насловна фотографија: Pixabay